Sunday, October 16, 2011

99%

ആ തൊണ്ണൂറ്റൊന്‍പതു  ശതമാനത്തിന്റെ കൂടെ.......
ആ തൊണ്ണൂറ്റി ഒന്‍പതില്‍   ഒരാള്‍ 
അതിന്റെ ബാക്കിയിലല്ല,
അതിന്റെ ശേഷിപ്പിലല്ല,

അതിന്റെ ഭീമന്‍ ഒന്നിലല്ല, 
അതിന്റെ  ഇമ്മിണി വലിയ ഒന്നിലല്ല !
ഒന്നുകള്‍ കാണാത്ത  തൊണ്ണൂറ്റി ഒന്‍പതില്‍ !!
ഒന്നുകള്‍ കേള്‍ക്കാത്ത  തൊണ്ണൂറ്റി ഒന്‍പതില്‍ !!
ഒന്നില്ലാത്ത  തൊണ്ണൂറ്റി  ഒന്‍പതില്‍

തൊണ്ണൂ റ്റൊന്‍പതു എനിക്ക് പഥ്യ മാകുന്നു , 
ഒന്നിനേക്കാള്‍ ഒന്നു മില്ലായ്മ പഥ്യമാകുന്നത്  പോലെ 
ചിട്ട ഗാനങ്ങളില്‍  കേള്‍ക്കാത്ത
അതിന്റെ
അവതാള ചിട്ടയും മട്ടും പഥ്യമാകുന്നു,
നിങ്ങള്‍ക്കെന്നത് പോലെ 
എനിക്കും !


Post a Comment