Tuesday, February 3, 2009

ശുദ്ധം

എന്റെ കാക്ക ഈയിടെയായി വല്ലാതെ പറക്കുന്നുണ്ട്,
രാകി പറക്കുന്ന ചെമ്പരുന്ത് ആണെന്നാണ് അതിന്റെ ഭാവം .
ഇന്നലെ റിയാലിറ്റി ഷോയില്‍ എന്തായിരുന്നു പ്രകടനം .
എല്ലാവരെയും അമ്പരപ്പിച്ചു കളഞ്ഞു .
ഒന്നാം സമ്മാനത്തിനായി പേരും നമ്പരും
എസ് എം എസ് ചെയ്യേണ്ട വിധവും ഭംഗിയായി പറഞ്ഞു .
അത്
പോകട്ടെ എന്ന് വയ്ക്കാം
ഇന്നു രാവിലെ പുലരുന്നതിനുമുന്‍പെ അത് ചെയ്ത കാര്യങ്ങളാണ് അത്ഭുതം .
ഉച്ചനേരത്ത് പുഴയില്‍ പറന്നിറങ്ങുന്ന , മീന്‍ പിടിത്തക്കാരന്‍ പരുന്തിനെ ഈ കാക്ക അനുകരിക്കുന്നു .അതെങ്ങനെ പഠിച്ചു എന്റെ കാക്ക ? പുഴക്കരികിലെ മുളംകാടുകളില്‍ ഉച്ചനേരത്ത് ചിറകൊതുക്കി മൌനമായി അതിരിക്കുന്നത് ഞാന്‍ കണ്ടിട്ടുണ്ട് . ഉച്ചയുറക്കം എന്നെ കരുതിയുള്ളു . മുളംകാടുകളില്‍ പതുങ്ങിയിരുന്നു പരുന്തിനെ പഠിക്കുകയായിരുന്നു ഇക്കാല മത്രയും അതിന്റെ ജോലി എന്ന് ഇന്നത്തെ അതിന്റെ പുലര്‍കാല പ്രകടനം കണ്ടപ്പോഴാണ് എനിക്ക് മനസ്സിലായത് . വീടിനു മുന്‍പില്‍ പുഴയൊഴുകിയിട്ടും അതില്‍ നിന്നു ഒരു തുള്ളി വെള്ളം എന്റെ കാക്ക കുടിക്കുമായിരുന്നില്ല , അതിന് വാടര്‍ അതോറിറ്റിയുടെ പൈപ്പിലെ ശുദ്ധീകരിച്ച വെള്ളമേ വേണ്ടു .അതും സ്പടികഗ്ലാസ്സില്‍ , എന്റെ കൈകൊണ്ടു കൊടുത്തത് . പരുന്തിനെ പ്പോലെ മീനിനെ റാഞ്ചുന്നതിനിടെ അശുദ്ധ വെള്ളം കൊക്കില്‍ പുരളുന്നതിനെ ഇന്നു അത് കണ്ടില്ലെന്നു നടിച്ചു ..
ഈ കാക്കയെ ഒട്ടും പിടികിട്ടാതായി തുടങ്ങി . എങ്ങോട്ടാണ് അതിന്റെ ചരിവ് ..
ഇനി കഴുകനായി മീനിനെ എന്ന വണ്ണം അത് എന്റെ ഭൂമിയെ കൊത്തി പറക്കുമോ ? മാറ്റത്തിന് മാത്രമെ മാറ്റമില്ലാതുള്ളൂ എന്ന് എന്നെ പഠിപ്പിക്കുകയാണോ അത് ..............................

ഇനി, ഇതൊന്നുമല്ല താനെന്നും
,അല്ലെങ്കില്‍ ഇതും കൂടിയാണ് താനെന്നും അതെന്നോട്‌ പറയുകയാണോ ?ഒരു കാക്കയുടെ സാധ്യതകള്‍ ?
Post a Comment