Thursday, February 26, 2009

പുഴ , കാക്കയും


എന്താണ് പുഴ കാക്കയോട് ചോദിച്ചത്
അല്ലെങ്കില്‍ പറഞ്ഞത് ?
അറിയില്ല ,

എന്നാല്‍ കാക്കയുടെ ഉത്തരം ഞാന്‍ കേട്ടു.
അതിങ്ങനെ യാണ് .
" ഓ ! നീണ്ട കൈകാലുകളുള്ള എന്റെ പുഴയെ........
എനിക്ക്
നിന്റെ കൂടെ ജീവിക്കാനാവില്ല ,
കടലിലേക്ക് ഒഴുകാനോ ഒഴുകി പരക്കാനോ ആകില്ല .,
നോക്കു‌
എന്റെ ജീവിതം ഈ മുളം കൂട്ടത്തിന്നു പിന്നിലാണ് ..
എനിക്ക് നിന്നോടൊപ്പം മരിക്കാനുമാവില്ല ,
നിനക്കു എന്നോടൊപ്പം പൊങ്ങി പറക്കാനാകാത്തതുപോലെ....
അത് മാത്രമല്ല ഞാന്‍ എന്റെ തെരുവിനോടും,
പൂന്തോട്ടത്തിനോടും
കൊത്തി എറിഞ്ഞ ചീത്ത കളോടും
യാത്ര ചോദിച്ചിട്ടുമില്ല.
എന്റെ ജനലില്‍
പതിവായി വരുന്ന മഞ്ഞക്കിളിക ളോട് എനിക്ക് യാത്ര പറയാനുമാവില്ല "

പക്ഷെ എന്നിട്ടുമെന്താണ് അത് പുഴയോടൊപ്പം പടിഞ്ഞാറേക്ക് ഒഴുകി പറന്നത് ?
Post a Comment