Wednesday, September 9, 2009

ബസിലേക്ക് ..

"ഞാന്‍ ഒരു ഒറ്റപ്പെട്ട സ്ഥലത്തു ജോലിയില്‍ പ്രവേശിച്ചി രിക്കയാണ് . ആഴ്ചയില്‍ ഒരു ദിവസം മാത്രം വന്നെത്തുന്ന ഒരു ചുവന്ന ബസ്‌ മാത്രമാണ് പുറം ലോകവുമായി ഞാന്‍ പണിയെടുക്കുന്ന സ്ഥാപനത്തിലെ മറ്റു രണ്ടുപേരടക്കം, ഞങ്ങളെ ബന്ധിപ്പിക്കുന്നത്. വെള്ളിയാഴ്ചകളില്‍ മാത്രം ചെറിയ കവലയില്‍ വന്നു ആളുകളെ കൊണ്ടു പോകുന്ന , പച്ചക്കറിയടക്കം സമസ്ത വസ്തുക്കളും അവിടെ യുള്ള കുടുംബങ്ങള്‍ക്ക് എത്തിക്കുന്ന സര്‍ക്കാര്‍ വണ്ടി. കവല തിരിഞ്ഞു തോട്ടിന്‍ കരയിലൂടെ ഒരു നൂറു മീറ്റര്‍ നടന്നു ചെറിയ പാലവും കടന്നു വേണം എനിക്ക് എന്റെ സ്ഥാപനത്തില്‍ എത്താന്‍ . സ്ഥാപനത്തോട്‌ ചേര്‍ന്നുള്ള , രണ്ടു മുറിയുള്ള, വീട്ടില്‍ ആണ് ഞാനും എന്റെ സുഹൃത്തും താമസിക്കുന്നത് . സുഹൃത് സദാ ചുവപ്പും കറുപ്പും നിറത്തിലുള്ള ചുരിദാര്‍ ധരിക്കുന്ന ചെറു പ്പക്കാരിയാണ് . എനിക്ക് വെള്ളിയാഴ്ചകളില്‍ നാട്ടിലേക്ക് പോകാന്‍ സര്ക്കാരിന്റെ ഈ ചുവന്ന വണ്ടി ആണ് ആശ്രയം . വെള്ളിയാഴ്ച്ച എത്തുമ്പോള്‍ സുഹൃത് ചോദിക്കും ..വണ്ടി വരാറായി പോകാന്‍ ഒരുങ്ങുന്നില്ലേ. ബാഗ് എവിടെ, കുട എന്നൊക്കെ. ബാഗ് ഓഫീസിലേക്ക് എടുക്കാന്‍ മറക്കാതിരിക്കുന്നത് ഈ കൂട്ടാളി കാരണമാണ്. എങ്കിലും എന്ത് വിശേഷം നാലുമണിക്ക് ചുവപ്പന്‍ വണ്ടി കവലയില്‍ എത്തും .അഞ്ചരക്ക് അത് ഒന്നു വട്ടം ചുറ്റി നിവര്‍ന്നു നേരെ കാണുന്ന കറമ്പന്‍ റോഡിലൂടെ നീങ്ങി തുടങ്ങും . അതിനിടെ ആളുകള്‍ പല വശത്തുനിന്നും പാഞ്ഞു ബസില്‍ കയറി പ്പറ്റും . ഞാനും അതിലൊരാള്‍..നീലയും കറുപ്പും കലന്ന നിറത്തിലുള്ള എന്റെ ബാഗ് തോളിലും കയ്യിലും മാറി മാറി വച്ചാണ് ഞാന്‍ ഓട്ടം തുടങ്ങുക. മിക്കവാറും നീങ്ങി തുടങ്ങുന്ന ബസിലേക്ക് ഏറ്റവും റിസ്കി യായ ഒരു ചാട്ടതോടെയാണ് ഞാന്‍ കയറി പറ്റുക. ബസ്‌ നിവരുന്നതുപോലെ ഞാനും കറങ്ങി നിവരും . എല്ലാ വെള്ളിയാഴ്ചകളിലും ഇതു ആവര്‍ത്തിക്കും ..എങ്കിലും പറയണമല്ലോ ബസ്‌ കിട്ടാതിരുന്നിട്ടില്ല....പക്ഷെ ഞാന്‍ എന്റെ ബാഗ് മായി ഓടാതിരുന്നിട്ടുമില്ല..........'"

ഈ മുകളില്‍ എഴുതിയതാണ് എന്റെ നിദ്രയില്‍ തെളിയുന്ന ഒരേ ഒരു സ്ഥിരം സ്വപ്നം..ഏതെങ്കിലും സ്വപ്ന വ്യാഖ്യാതാക്കള്‍ ഇതു വ്യാഖ്യാനിച്ചു കൊള്ളും എന്ന് വിചാരിക്കുന്നു. അതോ മന: ശാസ്ത്ര ജ്ഞനോ ? ഇത്രയും ഭംഗികുറഞ്ഞ ഒരു സ്വപ്നം ..കഷ്ടം !!!

2 comments:

notowords said...

Such are the strange trips, it occurs always on Fridays, OTHERWISE, a dream in a sleep is only one allowed to SEE.. liked it. may be will travel in that bus to see a story. karunakaran

savi said...

thank u..:)