ഒപ്പം

'നിങ്ങള്‍ എല്ലാവരെയും ഒപ്പം കൂട്ടുക' എന്ന്  പ്രവാചക തുല്യരായ മഹാ കവികള്‍ക്ക് മാത്രം പറയാന്‍ പറ്റുന്ന വാക്കുകളാണ്.

എങ്കിലും,
ഞാനത് പറയാന്‍ ആശിക്കുന്നു.
ഹൃദയം കൊണ്ട് .

പക്ഷെ അത് വെറും വാക്കുകള്‍ ആകുമെന്ന്  ഞാന്‍ ഭയപ്പെടുകയും ചെയ്യുന്നു.

ഞാന്‍ പ്രവാചകയോ, സര്‍വ സംഗ പരിത്യാഗിയോ അല്ലല്ലോ!

എനിക്കുണ്ട് വികലവും വിലക്ഷണവുമായ  കാഴ്ചകള്‍, ഞാനറിയുന്നത്,  

അറിയാത്തതും 

നീ തന്നതും നീ തരാത്തതും
ചിലപ്പോള്‍
പ്രവാചകര്‍ക്കും ദൈവത്തിനും കാണാനാകാത്തത് 
പക്ഷെ കുഞ്ഞുങ്ങള്‍ക്കും കിളികള്‍ക്കും പുള്ളിപ്പുലിക്കും സിംഹത്തിനും  മനസ്സിലാകുന്നത്
മീനിനും മയിലിനും കുന്നുകള്‍ക്കും സമുദ്രത്തിനു പോലും മനസ്സിലാകുന്നത്‌
എന്നാല്‍ നിന്റെ വാക്യ ഘടനയില്‍ വരാത്തത്.
അങ്ങനെയാണ്

ആഹ്ലാദത്തിന് രൂപ-രേഖകള്‍ വേണ്ടാതാകുന്ന നേരങ്ങളെകുറിച്ചു  ഞാന്‍ അറിഞ്ഞത്
അപ്പോഴാണ്‌

എല്ലാവരെയും ഒപ്പം കൂട്ടുവാനൊരുങ്ങി ഞാന്‍  ഭൂമിയോട് തൊട്ടു തൊട്ടിരിക്കുന്നത്
ചേര്‍ന്നു ചേര്‍ന്ന്.