എളുപ്പം
ഇരിക്കുന്ന മുറി ചുരുങ്ങി ച്ചുരുങ്ങി
അതിന്റെ നാല് ചുമരുകള്‍
ഉടല്‍ സ്പര്‍ശിക്കുന്നത് വരെ
അവ കൈകൾ നീട്ടി
ബലാൽ മെയ് ഞരിക്കുന്നതുവരെ
കഴുത്തിൽ വിരലാഴുത്തുന്നത് വരെ
വരച്ച ചിത്രങ്ങൾ മായ്ക്കുന്നത് പോലെ
സ്വപ്നങ്ങളിൽ നിന്നും ഉണരുന്നത് പോലെ
ജീവിച്ചിരിക്കൽ
കടൽതീരത്തി രിക്കൽ പോലെ
തിരയെണ്ണൽ പോലെ എളുപ്പം
അത്ര എളുപ്പമായിരുന്നില്ല.
ഒന്നും എളുപ്പമായിരുന്നില്ല,
ഒട്ടും എളുപ്പമായിരുന്നില്ല.
എന്ന് അവസാനശ്വാസം
നിലവിളിക്കുമ്പോൾ
മറിച്ചൊ രുത്തരം ചൊല്ലൽ
എളുപ്പമായിരിക്കുമോ?
No comments:
Post a Comment